ہم کہاں کے سچے تھے
"پتا پے مشعل تم میں سب سے بڑی خوبی کیا ہے جس نے مجھے یوں تمہارا اسیر کر رکھا ہے؟"
میری بات پر اس کی آنکھیں ستاروں کی طرح جگمگا اٹھی تھیں۔
"نہیں۔ میں نہیں جانتی تم بتاؤ۔"
اس نے اپنی خوبصورت آواز میں کہا تھا۔
"یہ تمہاری ظاہری خوبصورتی نہیں ہے۔ ظاہری خوبصورتی بہت دیکھی ہے میں نے اور اتنی دیکھی ہے کہ تم اس کے سامنے کچھ بھی نہیں ہو۔ نہ تمہاری کسی اور چیز نے مجھے متاثر کیا ہے۔ یہ تو بس تمہارا سچ ہے جو م جھے جیت گیا ہے، تمہاری اسٹریٹ فارورڈنیس، تمہاری بولڈ نیس، تمہاری uprighteousness, یہ وہ چیزیں ہیں جنہوں نے مجھے مسحور کر دیا ہے کیونکہ یہ ہر لڑکی میں نہیں ہوتیں اور خوبصورتی تو بہت سی لڑکیوں میں پائی جاتی ہے۔