hamara talimi nazm
Ghalib nay kaha tha:
Jannat ki haqiqat hamain maloom hai likin
Dil ko kush rakhnay kay liay Ghalib yah khayaal acha hai
Hum sab es haqiqat say khoob waqif hain kah kuch bhi likhtay ja’o os ka koe assar nahain hota. Sab opar say guzar jata hai. Es kay bavajood likhnay walay likhtay rehtay hain aur onhain likhtay rehna chahiay. Chalo dil ki bharas to nikalti rehti hai. Nafasyati taskeen ho jati hai. Es bina par shaed kaha jata hai “miti pao ji” miti na paein gay to phir kiya ho ga kuch bhi nahain khud ba’khud miti par ja’ay gi. Jab kuch assar nahain hota to hum kehtay hain qiyamat ko hisab lain gay ya qiyamat ko es ki saza milay gi. Khrabiyaan paida karnay walay kehtay hain yah jaham mitha agla kis ditha. Goya woh mooj kartay hain aur kamzoor tabqoon ka estehsal kartay hain. Yah bimari adaroon say shro ho kar baad’khaslat ashkas tak montaqil ho jati hai jo samaj ki achi aqdaar ko chut kar jati hai. Zehni, moashi aur akhlaqi entasharo-o-fashar ka mojab banti hai. Mein yah nahain kehna chahata choon’kah kuch nahain hota es liay likhnay walay likhna band kar dain oonhain likhtay rehna chahiay ta’kah tarikh kay oraq par oon ki shahadat sabt ho ja’ay aur woh mujramoon ki saaf main kharay na hoon ya yah bhi kah woh apni zaat kay samnay to surkharu ho jaein.
Hamara talimi nazam buri tara baad’hali ka shaker hai. Mohtaram aur mohtabar mehqamah zillat ka shaker hai. Khud es kay apnay andar kali bhairain paida ho gae hain ya jan bujh kar dakhal kar de gae hai. HEC walay apni apni nokri khari karnay main masroof hain.
1-Research karwae ja rahi hai likin research maqalay almareoon ki zinat bana liay gay hain. Kiya faeda agar onhain koe amli surat nahain daini
2-Talimi adaray taqseem ka shaker hain kisi bhi sata par kisi bhi hawala say oon main hum’’aahangi nahin pae jati.
3-marking ki nazam entahae naqas hai. Fi paper Re.18 mowavzay nay khana kharab kar diya hai.
4-Kalag side kay asadza yatimi kay alim main hai. University waloon ki pazirae ki ja rahi hai halankah wahan na’laeqoon ki tadad ziyada hai. Kal paida ho kar pardhan ki kursi par baitha diya jata hai.
5-Mazbi talimi adaray, en ki kuch na puchain, yahaan say musalman kam sunni, wahabi, barailvi waghera ziyadah paida hotay hain jo samajh ko qaseem kar rahay hain. En ki taraf khasusi tovajo ki zarorat hai.
6-Qaisar Saleem jaisy thag jo HEC ki nak talay baithay talimi qatil main masroof hain aur ohain koe pochnay wala nahain
Mairi morozaat karvi hain likin amli toor par aisa hi hai. HEC walay ya taleem say motalaq ba’ekhtayar ashkhas seraf aur seraf daway daghtay hain, kartay kuch nahain. Koe bolta es liay nahain kah ossay sach ka khumyazah bhugatna paray ga. Kali bhairain itni mazboot ho gae hain kah eak din es samaj ko lay dobain gay. Os waqt koe kosheh sood’mand na ho gi. Hamara pachtawa bai’maeni aur la’yaeni tehray ga.
|
Register Now for FREE!
08-13-2008
Linear Mode
