Hindustani (Urdu+Hindi) es waqt dunyaan ki dusri boli samjhi aur likhi janay wali zoban hai jab’kah aawazozoon ki tadad aur oon kay estamalaat kay hawala say dunyan ki koe zoban es kay mad-e-moqabal khari nahain hoti. Es kay bolnay walay seraf Pakistan aur bharat main hi nahain hain bal’kah bar-e-sagher say bahar ki walaitoon main bhi es say motalaq logoon ki kuch kami nahain. Bar-e-sagher main yah kisi mukhus alaqay ki zoban nahain es kay bavajood essay taqriban native zoban ka darja hasal hai. Punjabi, Sindhi, Balochi, Pakhto, Baravi mivati, Gojri, Rajistani, Pothohari, Haryani, Dogri, Bangali waghera bolnay walay essay apni madri zoban ki tari hi boltay aur samjhay hain.
Arab dunyan main es zoban ki filmoon ko maqboliat hasil hai. Apna koe muhsus alaqa aur bolnay walay log na rakhnay kay baes hi essi mukhtalif alaqoon say mansoob kiya jata rahai hai. Hafiz Mahmood Shirani nay essay Punjabi say munsoob kiya jab’kah Syed Sulman Nadvi nay Naqsh-e-Sulimai main es ka alaqa sindh qarar diya hai. Gharaz yah silsala abi tak khatam honay ko nahain aaya. Apna koe makhsus alaqa aur apnay log na rakhnay kay bavajood es nay hairat’nak taraqi ki hai aur kar rahi hai.
Es kay mojoda teen rasmul-e-khat raej hain:
1-Dav Nagri
2-Arbic (Urdu)
3-Roman
En tenoon khatoon ko khatam nahain kiya ja sakta nahi khatam karnay ki koshesh ki jani chahiay.
Hindustani (Urdu+Hindi) kisi mukhsus asloob, lehjay, taraz-e-biyan-o-ada, lafzoon kay estamalaat aur oon say mukhsus mafahim ki paband nahain. Rampur, Punjab, Sarhad, Sindh, Bangal, Rajistan, Gujrat, UP, CP, Dehli, Agra waghera ki Hindustani (Urdu+Hindi) apna alag say andaz aur lisani ravaya rakhti hai. Asal baat, baat ka dusray tak ponch jana hai. Agar baat covay ho jati hai to yahhi sahi Hindustani hai.
Karvat laina aur karvat badalna donoon mustamal hain es liay ghalt nahain hain. Essi tarra ki un’haad misalain mukhtalif amarja kay aha-e-qalam kay haan ba’kasrat mil jati hain. Gao’dan, Chandni Baigam, janglus waghera ki eak tara ki urdu nahain hai. Mir sahib, Ustad Zooq, Ustad Ghali, Hali Iqbqal, Baidil Haidri ya phir Nasir Kazmi ki urdu eak jaisi nahain. Majid Amjid, Mira Ji, M D Taseer ya phir Abdul Aziz Khalid ka shairi rovaeya aur andaz takallam eak sa nahain. Yahaan tak kah mohavrati rovaya eak sa nahain.
Yah koe aisi nae baat nahain dunyan ki dusri zobanain jo apna mukhus alaqa aur apnay makhsus log rakhti hain, oon kay sath bhi yah masla darpaish hai. Angrazi ko angraizoon ki zoban samjha jata hai. Sir philp Sidney, John Keats ya phir W.Wordworth waghera ki angraizi eak si nahain. Bartania kay sab alaqoon main eak se nahai. Emily Dikinsan aur logfellow ki zoban ka mohavra aur lisani mazaj alag alag hai
Yahi surat Chini Japani waghera ki hai. Kisi zoban ko mahdood aur mukhsus nahain kiya ja sakta. Aisa hona mumkin hi nahain, aisa ho hi nahain sakta. Mukhus mohavray main kisi bhi zoban ko qaid-o-bamd karnay ki koshesh kamyabi say hum’kinar nahain ho sakti. Logoon kay aalat-e-notaq, moavan aalat-e-notaq, alaqa ka kalture, logoon kay rehnay kay toor-o-andaz, asloob-e-takalam mahool aur mosamoon ko kis tara tabdeel kiya ja sakta hai?!
Pakhtoon apnay andaz say Urdu bolay ga, sindhi apnay lehjay kay zair-e-asar angraizi bolay ga. Astumbol wala island waloon ki se angraizi kayoon’kar bool sakay ga. Barlan aur Tokyo walay apnay apnay andaz say angraizi bolain gay. Who apni native zoban main angraizi bolain gay.
Hindustani ko seraf yah sharaf hasal hai kay wo kamzoor aur mahkoon qisam (Bar-e-Sagher k hawala say) kay logoon ki zoban ho kar bhi:
1- taraqi ki manazal teh kar rahi hai
2- essay koe sarkari sar’parasti hasal nahain
3- apnay liay nafrat nahain rahti.
4- Log apni marzi aur khushi say boltay aur likhtay hain.
5- Yah her kisi ko apna samjhti hai aur os ka honay main dair nahain karti aur nahi hichchahat mehsus karti.
6- Lachak’dar sada aur aasan hai
7- Kisi mukhsus qoom, qabilay ya kisi mukhsus walait ki zoban nahain. Yah oosi ki hai jo issay bolta hai.
Yah nazreya qatan ghalt hai hai kah yah musalmanoon ki zoban hai. Es daway kay liay Arbi rasam-ul-khat ko daleel banna kafi nahai. Mein yahaan essay Roman rasam-ul-khat main likh raha hoon to yah Yonan ya Bartania waloon ki ho gae?!

__________________

tavajo farmae k liay b b shukarreya
Allah Sahib aap ko kush rakhy