~!! Aao Kuch dAir kO hUm Zakhm ShUmaarii Kar Lien !!~

[Dark]

Jaltii bUjhtii hOii Shamien hAin Maah o Saal Meray
Dhalta SOoraj Meray Maazi Ki Lehad Ka Katba
Raig e Sehra Ki Lakeerien hAin Khad o Khaal Meray


Chaand Meray Tan e MajrOoh Par Sang e Ejaaz
DhOop ChaaOn Meray Sad Chaak Libadey Ka Khiraaj
Sab Sitarey Meri POshaak Key Pewand e Naheef
Meray AansOo Mera Wirsa Meri AankhOn Ka Mizaaj


Mera Chehra Meray MaqtOol hUnr Ki Tareekh
Meri Aankhien Meri dUkhtii hOii RaatOn Key Charaagh
Meray hOnton Pey Meray Karb Key nOhon Ka HajOom
Meray Seenay Pey DrakhshaaN Meri tOheen Key Daagh


Aaj Ki Shaam K Har Saal Isii Shaam Key Saath
Meri Ukhrii hOii Saanson Mein Girah LaGtii hAi
Aasmaan WaQt Key Aanchal Mein Dhanak bUnta hAi
Sari Dhartii Tan e UryaaN Ki Zirah LaGtii hAi


Aaj Ki Shaam K Har Saal Meray Zakhm Nawaaz
MUskuratey hOye PhOol Atta Kartey hAin
Kuch Maseeha Meri Khaatir Mera Dil Rakhney kO
Khat Mein Jeenay Ki dUa Bhaij Diya Kartey hAin


Saal Ha Saal gUzarney Pey Bhii Aey Dil ZadgaaN
Aaj Ki Shaam Manatey hOye Dar LaGta hAi
MUskuratey hOye ChehrOn Key Bhanwar hAin Lekin
Aakhrii Shama jAlatey hOye Dar LaGta hAi


Dil Dharakta hAi K jAltii hOii ShamOn Ka dhUwaaN
ShOla e Karb Mein Tehleel Na Ho jAye Kahien
Jii Larazta hAi K Manzar Key AdhOorey Pan Kii
Aaj Ki Shaam Sey Takmeel Na hO jAaye Kahien


Aao Kuch dAir kO hUm Zakhm ShUmaarii Kar Lien
Aur Kuch Dair Mein Har Shama PiGhal jAaye Gii
Aaj Ki Bazm Mein khO jAaien Kahien sO jAaien
Aaj Kii Shaam Bhi Kuch dAir Mein Dhal jAaye gii


JAltii bUjhtii hOii ShamOn Ka BharOsa Kya hAi
Zindgii Taiz bOht Taiz Hawa Ka jhOnka​

 

[nrbhayo]

umda jee..