Baazeecha-e-atfaal hai duniya mere aage

RedRose64

Co Admin
Mar 15, 2007
42,742
28,182
1,313
Canada
Baazeecha-e-atfaal hai duniya mere aage
hota hai shab-o-roz tamaasha mere aage

ek khel hai aurang-e-sulemaa'n mere nazdeek
ek baat hai aijaaz-e-maseeha mere aage

juz naam nahi soorat-e-aalam mujhe manzoor
juz veham nahi hasti-e-aashia mere aage

hota hai nihaa'n gard mein sehra mere aage
ghista hai zabee'n khaak pe dariya mere aage

mat pooch ki kya haal hai tera mere peechhe
tu dekh ki kya rang hai tera mere aage

sach kaho ho,khudbeen-o-khudaara na kyun hoon?
baitha hai but-e-aaeena-seema mere aage

go haath ko jumbish nahi aankhon mein to dum hai
rehne do abhi sagar-o-meena mere aage

phir dekhiye andaaz-e-gul-afshaani-e-guftaar
rakh de koi paimaana-o-sehra mere aage.
 
  • Like
Reactions: nrbhayo
Top