Dil Mein Ek Tasweer Chupi Thi, Aan Basi Hai Aankhon Mein, Shayad Hum Ne Aaj Ghazal Se

rehanckl

Newbie
Jan 28, 2010
1,485
1,215
0
30
Dil Mein Ek Tasweer Chupi Thi, Aan Basi Hai Aankhon Mein,
Shayad Hum Ne Aaj Ghazal Se Baat Likhi Hai Aankhon Mein,

Jaise Aik Asaami Larki Mandar K Darwazay Par,
Shaam Diyoon K Thaal Sajaye Jhaank Rahi Hai Aankhon Mein,

Is Romaal Ko Kaam Mein Laon Apni Palkein Saaf karo,
Mayla Mayla Chaand Nahi Hai Dhool Jami Hai Aankhon Mein,

Parhta Ja Yeh Manzar Nama Zard Azeem Paharoon Ka,
Dhoop Khili Palkon K Uper, Baraf Jami Hai Aankhon Mein,

Maine Aik Novel Likha Hai Anay Wali Subha K Naam,
Kitni Raaton Jaga Hon, Neend Bhari Hai Aankhon Mein....!!!
 
  • Like
Reactions: nrbhayo
Top