Hamee'n na hongey tau wo kiss k sath tthehrey gii

[dream girl]

hamari aankho'n mai poonam ki raat tthehrey gii
hamee'n na hongey tau wo kis k sath tthehrey gii

jo ho sakey to utaar usko apni palko'n par
kaha'n sitaro'n ki aa kar baraat tthehrey gii

guzar gayee merey ghar k qareeb se ho kar
khayal tha yaha'n damm bhar hayat tthehrey gii

ab iss se qabl k dinn ho tamam poochh uss se
hamari sanso'n k naizey pe saans tthehrey gii

bula na apni saraye se aasmaan mujhey
k ye jo matti hai, matti ke sath tthehrey gii

bas aik dil hai mera jiss mai hai ye gunjaish
yaha'n nahee'n to kaha'n kaainat tthehrey gii

jaha'n se sochai'n jiss andaz se bhi sochai'n ham
qasoor waar hamari hee zaat tthehrey gii
-----------------------------------------------
ZAFAR GAURAKHPOORI​

 

[nrbhayo]

nice jee..