salam...
i ve a question for u guyz..especially girlz...
ap ne idhar dekha hi hooga ke kuch larkia or ortoon..woh hijab nhi pehanti....nd kuch larkia pehanti hai..tu mera question yeh hai ke woh larkia jo hijaab nhi pehanti..woh q nhi pehanti?...mujhe nhi pata idhar kon kon nhi pehanta...lakin jitni mujhe knwledge hai...mujhe lagta hai larkio ko hijaab pehanna chahiye...
Walaikum Assalam Wa Rahmatullahi Wa Barakatahu.
Sub say pahlay to Prince aap ki tasveeer to kisi bhoot ki lugti hai prince ki to kaheen say naheen lugti k dar kar khauf ata hai.yay to sirf aap ko batana tha aap k naam aur avatar main difference ka azrah e mazaq.
Aap ka sawal bohat achcha hai. Bilkul har larki ko jis tarha parday ka hukm hai quran o hadees main us tarha parda karna chahyay. Jo naheen karteen ghalat karti hain. Hamari dua hai Allah unhain hidayat day Ameen Summa Ameen.
Jub hum koi kaam ghalat ya sahi kartay hain to uskay liaay khud ko ya doosron ko satisfy karnay k liaay mukhtalif jawaz o bahanay kar letay hain. Khuwah wo ghalat hon k sahi. Agar aap ghalat kuch kar raheen hain to admit karain k main yay kar rahi hoon yay ghalat hai na k jawaz ultay seedhay paish karain jo bohat ghalat hai jo sahi rastay pay hain unko aap ka jawaz kisi ghalat kaam k liaay ghalat lagay ga aur Allah to bohat hi naraz ho ga.
Agar aap koi kaam ghalat kartay hain to ussay manay k aap aisa naheen karteen ya kartay hain laikin yay ghalat hai to Allah aap say is baat pay khush ho ga k aap is baat ko k yay ghalat hai tasleem kia phir kabhi na kabhi Allah aapko hidayat zaroor day ga.
Ghalat baat ko ghalat manna ya tasleem karna bhi Imaan ki nishani hai.
Aik apni misaal day rahi hoon.
Aik meri jannay wali say jub sawal kia (kuch kafiron nain. Jaisa k main Canada main rah rahi hoon. Hum donon aik jagah course kar rahay thay) k tum kioon scarf naheen pahanti ho aur yay kioon pahanti hai, tum kia musalman naheen ho? to us nain jal sar kar kaha yay aisay hi pehti hai Islam main kuch naheen kaha gia scarf pahannay par.
Mujhay ghussa to bohat aya aur bura bhi laga per main nain sabr kia kay ub main kuch kahoon gi to yay phir kuch aur baat bana day gi aur mujhay batain banana naheen ati phir yay kafir hasain gay. Wo aik jhooti qism ki larki hai aur mujh say waisay hi jali bhuni hai k uskay rishtay ki bohat koshish ki uski walida nain hamaray ghar main kabhi mama say to kabhi bhai say. Wo batain bhi karti thi mujhay say to hamaisha jali kati hi sunati thi aur baytahash jhoot bolti thi.
Main bhi us waqt itni confident naheen thi k kisi say bahas o mubahisa karti. Main us waqt aik kumgo aur kisi ko kuch naheen kahnay wali thi.
Ub to kisi sahi baat main koi mujh say jeet kar to daikhay. Misaalon aur daleelon k tabar tor hamlay kar doon gi. Mazak kar rahi hoon. Us waqt main khud parday k baray main na itna janti thi aur na hi kisi ko kuch kahti thi.
Ub kafi bari ho gai hoon, Confidence bhi kafi aa gaya hai. Thori bohat koshish karti hoon Islami taleemat hasil karoon.
Ub main bohat achchi tarha samjhti hoon parda kioon karna chahyay? Kis tarha karna chahyay? Is k fawaid kia hain?
Aur nuqsanat kia hotay hain in kafiron k mulk main rah kar?
Meri bhi sub larkion say guzarish hai k aap parda ba mutabiq e quran o hadees kia karain is main apna hi faida hai. Jo thora bohat agar uski wajah say nuqsaan bhi ponhchay ga to Allah k yahan uska bohat bara ajar milaay ga jo bilashuba bila sood sawab ka business hai.