Is se pehle ke bevafaa ho jaayen…

  • Work-from-home

rehanckl

Newbie
Jan 28, 2010
1,485
1,215
0
33
Is se pehle ke bevafaa ho jaayen…

Is se pehle ke bevafaa ho jaayen
kyon na ai dost ham judaa ho jaayen

tuu bhi heeray se ban gayaa patthar
ham bhii kal kyaa se kyaa ho jaayen

ham bhi majabuuriyon kaa uzr karen
aur kahiin aur mubtalaa ho jaayen

ishq bhii khel hai nasibon kaa
Khaak ho jaayen kimiyaa ho jaayen

ab ke gar tuu mile to ham tujh se
aise lipaten terii qabaa ho jaayen

bandagii ham ne chor di hai Faraz
kyaa karen log jab Khudaa ho jaayen...
 
  • Like
Reactions: nrbhayo
Top