maiN nazar se pee raha hooN ye samaaN badal na jaay
na jhukaaO tum nigaahaiN kaheeN raat Dhal na jaay
miray ashk bhee haiN iss meiN ye sharaab ubal na jaay
miraa jaam Choonay waalay tiraa haath jal na jaay
abhee raat kuch hai baaqee, na uTha naqaab saaqee
tiraa rind girtay girtay, kaheeN phir saNbhal na jaay
miree zindagee ke maalik, miray dil pe haath raKhna
tiray aanay kee khushee meiN miraa dam nikal na jaay
mujhay phooNknay se pehlay, miraa dil nikaal lainaa
ye kisee kee hai amaanat, miray saath jal na jaay.............................
