raah-e-talab me

  • Work-from-home

saj_killer

Newbie
Jul 23, 2008
90
68
0
37
raah-e-talab me.n kaun kisii kaa apane bhii begaane hai.n
chaa.Nd se mukha.De rashk-e-Gazalaa.N sab jaane pehachaane hai.n

uff ye talaash-e-husn-o-haqiiqat kis jaa Thahare.n jaaye.n kahaa.N
sahan-e-chaman me.n phuul khile hai.n seharaa me.n diivaane hai.n

tanahaaii hii tanahaaii hai kaise kahe.n kaise samajhaaye.N
chashmo-o-lab-o-ruKhasaar kii tah me.n ruuho.n ke viiraane hai.n

apane vajuud kii mastii se ham ri.ndo.n ke ahavaal na puuchh
qadam qadam par chhe.D Khirad se nafas nafas maiKhaane hai.n

dil aaKhir thak haar ke yaaro ham ne bhii tasliim kiyaa
apanii zaat se ishq hai sachchaa baaqii sab afasaane hai.n
 
  • Like
Reactions: nrbhayo
Top