Traash Kar Meray BaazU Uraan ChOr Gya Hawa Key Pass Barhana KamaaN chOr Gya

rehanckl

Newbie
Jan 28, 2010
1,485
1,215
0
30
Traash Kar Meray BaazU Uraan ChOr Gya
Hawa Key Pass Barhana KamaaN chOr Gya

RafaqatOn Ka Meri Us kO Dhiyaan Kitna Tha
Zameen Ley Lii Magar AasmaaN ChOr Gya

Ajeeb Shakhs Tha Baarish Ka Rang Dekh Kar Bhi
KhUley DareeChey Par Eik PhOol-Daan ChOr Gya

jO BaadlOn Sey Bhi mUjh kO ChUpaye Rakhta Tha
Barhii hAi dhOop tO Bey-SaiyebaaN ChOr Gya

Nikal Gya Kahien Un Dekhay PaaniyOn Ki Traf
Zameen Key Naam KhUla BadbaaN ChOr Gya

Uqaab Kii Gharz Thii Fakhta Pakarney Kii
jO Gir Gaii tO yOn Hii Neem jAan ChOr Gya

Na Jaaney kOn Sa Aasaib Dil Mein BaSta hAi
K jO Bhi ThehRa Aakhir MakaaN ChOr Gya

Uqb Mein GehRa Samandar hAi Samney Jangle
Yeh Kis Inteha Pey Mera Meharbaan ChOr Gya
 
  • Like
Reactions: nrbhayo
Top