tum bhi Khafaa ho log bhii beraham hain dosto

NonStopLeo

Newbie
Feb 2, 2008
355
82
0
tum bhi Khafaa ho log bhii beraham hain dosto

ab ho chalaa yaqiin ke bure ham hain dosto

kis ko hamaare haal se nisbat hai kyaa karen

aankhen to dushmanon kii bhii pur_nam hain dosto

apane sivaa hamaare na hone kaa Gam kise

apanii talaash men to ham hii ham hain dosto

kuchh aaj shaam hii se hai dil bhii bujhaa bujhaa

kuchh shahar ke chiraaG bhii maddham hain dosto

is shahar-e-aarazuu se bhi baahar nikal chalo

ab dil kii raunaqen bhii ko_ii dam hain dosto

sab kuchh sahii 'Akaash' par itanaa zaruur hai

duniyaa men aise log bahut kam hain dosto

 
  • Like
Reactions: nrbhayo
Top