Tumhaare Khat meiN naya ik salaam kis ka thha na thha raqiib tou aaKhir vo naam kis k

rehanckl

Newbie
Jan 28, 2010
1,485
1,215
0
30
Tumhaare Khat meiN naya ik salaam kis ka thha
na thha raqiib tou aaKhir vo naam kis ka thha

vo qatl kar ke har kisii se puuchhate haiN
ye kaam kis ne kiya hai ye kaam kis ka thha

vafaa kareiNge nibhaayeiNge baat maaneiNge
tumhe bhi yaad hai kuchh ye kalaam kis ka thha

raha na dil meiN vo be-dard aur dard raha
muqiim kaun hua hai maqaam kis ka thha

na puuchh-paachh thhi kisi ki na aav-bhagat
tumhaari bazm meiN kal ehtemaam kis ka thha

hamaare Khat ke to purze kiye paRha bhi nahiN
suna jo tum ne baa-dil vo payaam kis ka thha

iNhi sifat se hota hai aadami mashahuur
jo lutf aap hi karte to naam kis ka thha

guzar gayaa vo zamaanaa kaheiN to kis se kaheiN
khayaal mere dil ko subah-o-shaam kis ka thha

har ek se kahate haiN ki "Daag" bevafaa niklaa
ye puuchhe in se ko_ii vo gulaam kis ka thha

Share
 
  • Like
Reactions: nrbhayo
Top