Waqt Nahi

  • Work-from-home

RedRose64

Co Admin
Mar 15, 2007
42,742
28,183
1,313
Canada
[i]Har khushi hai logon ke daman mein,
Par ek hansi ke liye waqt nahin.

Din raat daudtey duniya mein,
Zindagi ke liye he waqt nahin.

Maa ki loree ka ehsaas to hai,
Par maa ko maa kehne ka waqt nahin.

Saare rishton ko to hum maar chuke,
Ab unhen dafnane ka bhi waqt nahin.

Saare naam mobile mein hain,
Par phone karne ke liye waqt nahin.

Gairon ki kya baat karen,
Jab apno ke liye he waqt nahin.

Aankhon me hai neend badee,
Par sone ka waqt nahin.

Dil hai ghamon se bhara hua,
Par rone ka bhi waqt nahin.

Paison ki daud me aise daude,
Ki thakne ka bhi waqt nahin.

Paraye ehsason ki kya kadr karein,
Jab apne sapno ke liye hi waqt nahin.

Tu hi bata E zindagi,
Iss zindagi ka kya hoga,

Ki har pal maarne walon ko,
Jeene ke liye bhi waqt nahin
...............
 
  • Like
Reactions: nrbhayo
Top