zakhm jo aap kii inaayat hai

Waqar Hussain

M@In ALbela M@I M@sTana
VIP
Aug 12, 2008
26,932
5,548
113
chand k paar
zakhm jo aap kii inaayat hai is nishaanii ko kyaa naam de ham
pyaar diivaar ban ke rah gayaa hai is kahaanii ko kyaa naam de ham



aap ilzaam dhar gaye ham par ek ehsaan kar gaye ham par
aap kii ye meharbaanii hai meharbaanii ko kyaa naam de ham



aap ko yuun hii zindagii samjhaa dhuup ko hamne chaandanii samjhaa
bhuul hii bhuul jis kii aadat hai ik javaanii ko kyaa naam de ham



raat sapnaa bahaar kaa dekhaa din huaa to gubaar saa dekhaa
bevafaa vaqt bezubaan niklaa bezubaanii ko kyaa naam de ham
 
  • Like
Reactions: nrbhayo
Top