Zara Si Baat

  • Work-from-home

Brilliant_Boy

ıllıllı now yoυ ѕee мe ıllıllı
TM Star
Feb 24, 2014
3,688
1,402
413
Islamabad
Zara Si Baat
Zindagi Ke Meley Mai, Khuwahishon Ke Railey Mai
Tum Se Kiya Kahen Janaa, Is Qadar Jhameley Mai
Waqt Ki Rawani Hai, Bakht Ki Giraani Hai
Sakht Be-Zameeni Hai, Sakht La-Makaani Hai
Hijr Ke Samandar Mai
Takht Aur Takhtey Ki Ek Hi Kahani Hai
Tum Ko Jo Sunani Hai
Baat Go Zara Si Hai
Baat Umr Bhar Ki Hai
(Umr Bhar Ki Baatein Kab Do Ghari Mai Hoti Hain!
Dard Ke Samandar Mai
An-Ginat Jazeerey Hain, Be-Shumaar Moti Hain)
Aankh Ke Dareechey Mai Tum Ne Jo Sajaya Tha
Baat Us Diye Ki Hai
Baat Us Giley Ki Hai
Jo Lahoo Ki Khilwat Mai Chorr Ban Ke Aata Hai
Lafz Ki Faseelon Per Toot Toot Jata Hai
Zindagi Se Lambi Hai,
Baat Rat-Jagey Ki Hai
Raastey Mai Kaise Ho!
Baat Takhliye Ki Hai
Takhliye Ki Baaton Mai Guftagoo Izaafi Hai
Pyaar Karne Walon Ko Ik Nigaah Kafi Hai
Ho Sake To Sun Jao Ek Din Akaile Mai
Tum Se Kiya Kahen Janaa, Is Qadar Jhamailey Mai​
 
  • Like
Reactions: sikander1111
Top