Apne maazii ke tasawur se hiraasaa huun main

[dream girl]

Apne maazii ke tasawur se hiraasaa huun main
Apne guzre hue ayyam se nafrat hai mujhe
Apnii bekaar tamannaon pe sharmindaa huun main
Apnii besud ummiidon pe nidaamat hai mujhe


Mere maazii ko andhere mein dabaa rahne do
Meraa maazii merii zillat ke sivaa kuchh bhii nahiin
Merii ummiidon kaa haasil merii kaavish kaa silaa
Ek benaam aziiyat ke sivaa kuchh bhii nahin


Kitnii bekaar ummiidon kaa sahaaraa lekar
Main ne aiwaan sajaaye they kisii kii Khaatir
Kitnii berabt tamannaazon ke maabham Khaake
Apane Khwaabon mein basaaye the kisii kii Khaatir


Mujh se ab merii mohabbat ke fasaane na puuchho
Mujh ko kehne do ke main ne unhein chaahaa hii nahiin
Aur vo mast nigaahein jo mujhe bhuul gaiin
Main ne un mast nigaahon ko saraahaa hii nahiin

Mujh ko kehne do k main aaj bhii jii saktaa huun
Ishq naakaam sahii zindagii naakaam nahiin
Un ko apnaane kii Khvaahish unhii paane kii talab
Shauq bekaar sahii sai-Gam anjaam nahiin

Vahii gesuu vahii nazar vahii aarid vahii jism
Main jo chaahuun k mujhe aur bhii mil sakate hain
Vo kanwal jinko kabhii unke liye khilnaa thaa
Unkii nazaron se bahut duur bhii khil sakate hain

 

[Waqar Hussain]

Bohaat khoob janab

nice and lovely sharing

thankx for sharing ​

 

[**King**]

very nice thanks 4 sharing

 

[nrbhayo]

umda jee..

 

[khan_pur]

thankx for sharing