duniya main kaun kaun na yak bar ho gaya
par mun phir is tarf na kiya us ne jo gaya
par mun phir is tarf na kiya us ne jo gaya
phirti hai meri khak saba dar-ba-dar liye
aye chashm-e-ashkbar ye kya tujh ko ho gaya
aye chashm-e-ashkbar ye kya tujh ko ho gaya
agah is jahan main nahin gair be khudan
jaga wahi idhar se jo mund ankh so gaya
jaga wahi idhar se jo mund ankh so gaya
tufan-e-noah ne to dabai zamin faqat
main nang-e-khalq sari khudai dubo gaya
main nang-e-khalq sari khudai dubo gaya
barham kahin na ho gul-o-bulbul ki ashti
darta hun aj bag main wo tund khu gaya
darta hun aj bag main wo tund khu gaya
waiz kise darawe hai yom-ulhisab se
giryan mera to nama-e-amal dho gaya
giryan mera to nama-e-amal dho gaya
phulenge is zaban main bhi gulzar-e-marafat
yan main zamin-e-sher main ye tukhm bo gaya
yan main zamin-e-sher main ye tukhm bo gaya
aya na aitadal par hargiz mazaj-e-dahar
main garche garm-o-sard-e-zamana samo gaya
main garche garm-o-sard-e-zamana samo gaya
aye "Dard" jis ki ankh khuli is jahan main
shabnam ki tarah jan ko apni wo ro gaya
shabnam ki tarah jan ko apni wo ro gaya