Janab app ka dukh aur bhi baRh jana chahiyee, kyoN kay inhi logics key wajaah say aaj mazaraat howi manzar paish ker rahay haiN ju mandiroN kay hotay haiN... kiya app mujhay her do maiN koy farq bata saktay haiN?
Hindu jin mortiyooN ko poojtay haiN, yeh log koy aur nahi, anay dor kay naik log rahay hooNgay, App ko Allah tala kay eak farmaan yaad dila chalooN kay Allah Subhaan.o.tala farmatay haiN ( kareeb tareen mafhoom) kay ham duniya kay her konay maiN paighamber bhaijay...
MaiN kya mera ilm kya, maiN tu haqeer sa zara hooN, jis uss qatray say paida kiya ju agr jism per lag jaye tu ghusal wajib ho jata hay, jis ibtay'da'i perwarish ( rehm-e-madir maiN) ganday khoon say howi, mera ilm buhat mehdood hay, per Allah ka fazl shamil-e-haal hay aur ussi key mehrbani hay...
1) Quran aur hadees maiN, Wahdaniyat ka zikr kyoN kiya gaya? sirf iss liya kay log apni tamam zarooratooN, hajatooN kay liya Allah say rajoo karaiN, kyo.kr Quran nay tamam naimatoN ko wa kya aur phir bar bar pocha kay Khuda key kon kon c naimatooN ko jhuTla'oo gay? KyoN Allah subah.o.tala nay Sura-e-Faitha her namaz maiN wajib key? kyoN iss ibtay'da'i ayat maiN ham say kehl'waya kay ham teri hi ibadat kertay haiN aur Tujh hi say madad mangtay hai? kyoN Falak aur Naas maiN sirf Allah key panaah hi mangi gayee hay?
Allah ta'la key zaat hi sirf itni taqatwar hay kay na ussay neend aati hay aur nahi ussay mout aa sakti hay, na'hi ussay apni kisi cheez kay cheen janay ka daR hay aur nahi iss kai'naat maiN uss jaisi salahiyaataiN rakhnay wala koy mojood hay. Issi liya koy aur chahay woh koiy Nabi ho ya wali ( wowh bad-uz-hayat-e-dunya'v kisi key madad nahi ker saktay, kyoN kay in maiN salahiyaat hergiz nahi kay woh eak hi waqt maiN hazarooN lakhooN afraad key baat sun sakaiN, na'hi in maiN yeh salahiyaat hay kay yeh un hazarooN lakhooN afraad ko kuch day sakaiN... daynay wali zaat sirf Allah key hay, madad sirf Allah key tarf say aatii hay,
Addition to above, while answering your question, puray Quran maiN eak bhi ayat nahi jis maiN sharab ka naam lay ker issay haram kaha gaya ho, theek issi taraaah puray quran main yeh bhi nahi hay Sher (LION) ka goshat haram hay. per aisay isharay aur wazahataiN bayan key gayeeN haiN jis say yeh dono aur aisi buhat c cheezaiN haram ho hateeN haiN.. aisi hi eak cheez shirk hay... jab koy Allah ta'la ko choR ker kisi aur say madad talb kerta hay ( ju hazir nahi, ju iss hayat-e-duniya ko tark ker chuka hay) tu woh ussay Allah ta'la key qudratooN maiN shareek hi ker raha hota hay.
2) Hinduism aur mazaraat etc per hazari daynay walooN maiN sirf itna hi farq hay in kay naam mukhtalif hotay haiN, aur yeh log kisi moorti kay bajaye qabr walay say mangtay haiN.