Mujhe kitnay hi barson se agarchay janta hai woh Yeh kaisa zulm hai k ajnabi gardaant

rehanckl

Newbie
Jan 28, 2010
1,485
1,215
0
30
Mujhe kitnay hi barson se agarchay janta hai woh
Yeh kaisa zulm hai k ajnabi gardaanta hai woh

Mere hathon ne jiss ko chand jaisa roop bakhsha tha
Mujhe taareek lamhon mein kahan pehchanta hai woh

Magar phir bhi ussay apna bananay k ghumaan mein hoo'n
Mujhe maaloom hai k kab kissi ki maanta hai woh

Sahara maangta hai sirf tanhaai k lamhon mein
Muhabbat ka talluq kab kissi se baandhta hai woh

Main is duniya k har ik jabr ko phir bhool jata hoo'n
Jab apnay qurb se mere badan ko dhaanpta hai woh

Mera dil chahata hai us ko seenay se laga loon main
Ridaaye gham ko jab bhi apni rooh pe taanta hai woh

Mujhe jab dukh milain tau kiss qadar khushiyaan manata hai
Chalo jana'n kissi tarah tau mujh ko maanta hai woh
 
  • Like
Reactions: nrbhayo
Top