wo dilnawaz hai lekin nazar shanaas nahi
mera ilaaj mere charagar ke pas nahi
tarap rahay hain zaban par kaee sawal magar
mere liye koi shayan e iltamas nahi
tere jalway mein bhi dil kaanp kaanp uth-ta hai
mere mizaj ko aasoodgi bhi raas nahi
kabhi kabhi jo tere qarb mein guzaray thay
ab un dinoun ka tasawwur bhi mere pas nahi
guzar rahay hain ajab marhalon se deeda o dil
sahar ki aas to hai zindagi ki aas nahi
mujhay ye darr hai teri aarzoo na mit jaye
bohot dinoun se tabiyat meri udas nahi
mera ilaaj mere charagar ke pas nahi
tarap rahay hain zaban par kaee sawal magar
mere liye koi shayan e iltamas nahi
tere jalway mein bhi dil kaanp kaanp uth-ta hai
mere mizaj ko aasoodgi bhi raas nahi
kabhi kabhi jo tere qarb mein guzaray thay
ab un dinoun ka tasawwur bhi mere pas nahi
guzar rahay hain ajab marhalon se deeda o dil
sahar ki aas to hai zindagi ki aas nahi
mujhay ye darr hai teri aarzoo na mit jaye
bohot dinoun se tabiyat meri udas nahi