SHB
Assalam o alaikum Aaj mein jis member k bare mein baat ker raha hoon wo member tm kisi k liye anjana nahi wo to jana pehchana member hei g haan aap ne theek pehchana mein tm k best member aur top rank mein apni posts 5[SUP]th[/SUP] position banana wale member ko yani SHB ki baat ker raha hoon, SHB tm mein kuch muddat pehle hi register hue the mager jis terhan inhon ne apni posts ka safer shuru kya to ache achon ko peeche chor diya, inhon ne taqreeban her member k thread ko support kya aur challenge k saath dekha jai to is saal mere khayal mein shb top poster hein in ki post’s aisi nahi thi k nice post, well done, that’s good waghera mager in ki posts mein aik acha msg para hota hei, aur kisi k liye kese behave kerte hein ye mein nahi janta mager mein itna zaroor janta hoon k inhon ne hamesha mere threads mein mujhe bohot daad di aur ayenda acha kerne ka hosla diya.
SHB sirf posts se hi apne mural ko nahi berha rahe is k ilawa in ki performance bhi bohot aala derje ki hei, ye tm k bohot zaheen member hein specially IT k lihaz se isi bunyad per inhon ne “TM ADOBE PHOTOSHOP QUIZ” award bhi apne naam kiya hei, Is k ilawa inhon ne bohot se ache aur informative threads lagai, In ki threads ki tadad kam he imager tamam threads kafi mufeed threads hein, inhon ne mukhtalif aqsam k threads lagai, aur her jagah apna sikka jamaya.
Ab zara hum SHB ki personality ki taraf aate hein, ager personality ki baat ki jai to ye bohot hi pushing member hein aur purjosh tareeke se aage berhne mein yakeen rakhte hein, Aap is ka andaza is baat se laga sakte hein k ye Aaj k modern dor mein is k hisab se chal rahe hein kyun k in ka zyada ter rojhan mobiles aur pc activities mein rehta hei jo aaj kal dor ki maang hei.
In se jab meine aik baat poochi k aap ki zindagi mein aisa kon sa lamha tha jo aap na bhool pai to in ka reply thora afsos nak tha k In k walid sahab ki wafat in k liye bohot shocking thi aur ye gham wo aaj tak nahi bhoole mager hum in ko tasalli de sakte hein aur in k walid k liye Dua kerte hein k Allah tala in k walid ko jannat-ul-firdos mein jagah de AMEEN.
In ki aik baat pe kafi hansi ayi jab inhon ne kaha k serious logon ki baton se neend aati hei, is waqt meine socha k phir to kabhi mere saath baat kerna hui to bethe bethe so na jain mager phir aik dangerous baat se mujhe chonka diya k ager kabhi serious ho jaon to lambi lambi speech dene beth jata hoon, ager kabhi aisa huwa to shayad mein bethe bethe so jaoun ga.
In ki aik baat pe bohot herani hui inhon ne kaha k mujhe ters aur bheek mangne wale afrad zeher lagte hein, mein in ki is baat se bilkul muttafiq nahi arey ager koi rehem ki bheek mange to ye bhi to ho sakta hei k us ki koi majburi ho, us k halat aise hon k is k bagher koi chara na ho, Allah hum sab ko bure waqt se bachai aisa waqt sab pe aasakta hei aur insan to bara aajiz aur mohtaj banda hei, insan ko chahiye k wo koi bhi kaam kerne se pehle apni zaat ka baareeki se tajziya kare k wo akhir hei kya cheez. Allah tala ne khud Quran majeed mein fermaya k meine tumhe nutfa se peda kya.
Khair mein yahan se likhna band kerta hoon Insha Allah phir milein ge, Ager koi ghalati ho to maaf ker dein.
Allah hafiz.