چھڑ گئی اُس سے اہلِ درد کی بات
دیکھیے کیا ہو صورتِ حالات
زندگی ہے اُداس اور تنہا
جیسے یخ بستہ کوہسار کی رات
ہر طرف ہے ہجومِ تنہائی
جیسے جنگل میں وحشیوں کی برات
کتنی کمیاب ہے متاعِ خلوص
یومِ عاشور جیسے موجِ فرات
رات تُو اِس طرح سے یاد آیا
جیسے نازل ہوں ذہن پر آیات
ماورا ہے حروف سے وہ بدن
شل ہُوئی جا رہی ہیں تشبیہات
کس نے چھینا تبسّم غمِ دوست؟
ڈوبتی جا رہی ہے نبضِ حیات
میں نے مانا ہے ایسے خالق کو
جس کی تخلیق کو نہیں ہے ثبات
ایسے تقسیم ہو رہا ہے بشر
جس طرح بانٹ دے کوئی خیرات
چاند بھی پتھروں کی وادی ہے
دیکھ اپنی عظیم تخلیقات
میں نے پایا ہے وہ جہاں محسنؔ
جس میں ممکن نہیں دُکھوں سے نجات
دیکھیے کیا ہو صورتِ حالات
زندگی ہے اُداس اور تنہا
جیسے یخ بستہ کوہسار کی رات
ہر طرف ہے ہجومِ تنہائی
جیسے جنگل میں وحشیوں کی برات
کتنی کمیاب ہے متاعِ خلوص
یومِ عاشور جیسے موجِ فرات
رات تُو اِس طرح سے یاد آیا
جیسے نازل ہوں ذہن پر آیات
ماورا ہے حروف سے وہ بدن
شل ہُوئی جا رہی ہیں تشبیہات
کس نے چھینا تبسّم غمِ دوست؟
ڈوبتی جا رہی ہے نبضِ حیات
میں نے مانا ہے ایسے خالق کو
جس کی تخلیق کو نہیں ہے ثبات
ایسے تقسیم ہو رہا ہے بشر
جس طرح بانٹ دے کوئی خیرات
چاند بھی پتھروں کی وادی ہے
دیکھ اپنی عظیم تخلیقات
میں نے پایا ہے وہ جہاں محسنؔ
جس میں ممکن نہیں دُکھوں سے نجات
