Aslaam O Allaykum
Itnay Baray Kaam Pe Laganay K Liay Shukria Hargiz Nahi KaheN Gay Kyunkay Already Hi Hum Aik Bahot BaRa Assignment Poora Karne MeiN Lagay Huvay HaiN. Tafseel Pooch K Zakham Taaza Mat Kijiay Ga.
To Chaltay Hain Aap Ka Parcha Hal Karne..
1... Humaray Naam Ka Matlab Hai........ Main Bulbul Baagh BaharaN Di
Na Pata Chala To Isay Challange Samjh K Hal Kijiay..
2... dil hona chahi da javan tay umraaN vich ki rakhiya
3... na sun sign aur na star sign... kabhi is tarf dehaan nahi diya albata SUNSHINE ka khoob pata hai.... baal banaey chamakdaar... so khud b use kartay hain aur dosroN ko bhi use karne ka mashvara detay hain. ap bhi kar k dekhiay.
4... height..... 2 inch ki heal pehn lein to floor pe kharay ho k asaani se chhat se jaalay utaar saktay hain.
Skin color.... fair hai... is liay fair & lovely ki zarorat kabhi nahi pari
hair style .... zulfein choonkay shab e hijar ki maanind draaz hain is liay kabhi kabhar hi khulay rakhtay hain, warna lapaitay rakhtay hain ...kabhi chutiya ki shakal mein aur kabhi jooray ki shakal mein.
AnkheiN Dark Brown.... Lakin Aksar Neeli Peeli Bhi Ho Jati HaiN.Kyunkay Ghusa Naak Par Dhara Rehta Hai To Asar AnkhoN Par Bhi PaRta Hai Waisay Kabhi Laal B Hoti Dekhi HaiN.
5... Qualification..... yeh poochna zaroori tha kya.... Ab Pooch Liya Hai To Btaa DeiN K School Collage To PaRh Chukay 2 Baar BA Kar K.... Ab Ap Yaqeenan Samjho Gi K Shaayed Compart Waghaira Ho Gi Jo Double Karna Para...Nahi Aisa Kuch Nahi,,, Graduation Pakistan Se,,, Phir Language Ki Vaja Se Aik Baar Sweedon MeiN ... Sath Micro Electronic Lakin Usay Beech Raah K ChoR Diya Aur Khidmat E Khalaq MeiN Lag Gay... Us K Liay Jo PaRhna Paray , PaRhtay HaiN.
6.... DEkhne WaloN Par 1st Impression Hota Hai K Kitni Khamosh C Hai Yeh Pakistani Larki. Aur Sun-nay WaloN Par Hota Hai K Kitna Bolti Hai Yeh .
7....Best & Worst DonoN SooratoN Mein Teeno Baar Junooni Kehne ChahoN Gi. Ab Is Ka Matlab Pagal Mat Lijiay Gaa, Jo Bhi KaroN Uski Inthaa Tak Pohncne Ki Khvahishmand Hoti HoN.
8... Har Fun Moula To Bachpan Se Suntay aey HaiN lakin ab aksar yeh sun.nay ko milta hai k kyi kaam aisa bhi hai jo tum nahi kar sakti (creative Work) K lehaaz se.. Humara Javab Yeh Hota Hai k Haan Aik Kaam Aisa Hai Jo Hum Nahi Kar Saktay... ARAAM SE BETHNE WALA
9... jee 6,,,,hum akhri piece hain.... zarorat parne par mouqa mehal k lehaaz se no. 1 bhi ban jatay hain apnay iklotay honay ka faayida uthatay huvay.
10...Bichari Mazloom (yeh naam humen aj hi mila jo humari moujooda life ki akaasi karta hai)
11...bas sochtay rehne k ilaawa koyi aisi aadat nahi jo baar baar kartay hoN.
Allah Hafiz......... Subah Phir Jagna Hai.. Baqi Kal Sahi
Wa Alaykum Assalam Wrwb
Ma Sha Allah aisi bohot kam shaqsiyat hoti hain jinke bare me parhne me acha bhi lage aur maza bhi aye un me se aap bhi ek hain
ab ankho k rang k bare me itna kuch kahe hain ke bache to darr jayenge
